APK-MI siulittaasoq isornartorsiuivoq

Aalisariutinik Piginneqatigiiffiit Kattuffianni, APK-mi, siulittaasup, Søren Brandtip, Aalisarnermut Piniarnermullu pisortaqarfik ukiortaami oqaaseqarnermini isornartorsiungaatsiarpaa.

APK-mi siulittaasup Namminersornerullutik Oqartussat isornartorsioramigit tamanna erseqqilluinnartumik nalunaarutigaa.

- Taavalu Namminersorullutik Oqartussat allaffissorusunnersuatigut tunisassiat sullissinerillu pissarsiarisartakkavut qiviarutsigit kiinnaannguusaanngitsoorsinnaanngilavut, Søren Brandt allappoq.

- Aalisarnermut Piniarnermullu pisortaqarfik qaniginerpaagaluarlugu aalisarnermut sullissivittut isumaqarfigissallugu misigisimananngilaq. Nunarput sinnerlugu takorluuisinnaassuseqanngilaq, killormoortumik paasinnittarluni angusaqarusunnanilu. Isumaga malillugu tamakku taaguutaapput nunatsinni inuussutissarsiutit annersaannut sullississalluni pisortaqarfimmut tulluunnerpaasut.

Søren Brandtip ukiortaami oqaaseqaatini ima naggaserpai:

- Taamaammat pisariaqarluinnarpoq pisortaqarfiup taassuma qaffassarneqarnissaa maani aalisarnitsinni aningaasaqarnerup ineriartortinnissaanut peqataasinnaanngorlugu, assortuiinnarani.