Nunatsinni Aalisariutaatillit Kattuffiat APK ullumi Nuummi ataatsimeersuassaaq.
APK-p siulersuisui sisamanik ilaasortaqarput Lars-Emil Johansen siulittaasoralugu. Lars-Emil Johansen-i ilaasortat allat marluk ilagalugit siulersuisunut ukiormanna qinigassanngorteqqippoq.
Siulersuisunut qinigassanngorteqqittut allat tassaapput naalagaq Carl Christensen, Saattuaq A/S-imilu pisortap tullia Petrus Biilmann.
APK-mi pisortaq Peder Munk Pedersen oqarpoq, siulersuisut ataatsimeersuarnissami aalajangiisinnaaqqatartut.
Tassa siulersuisunut ilaasortat tallimaasut akornanni marluk, naalakkersuisut siulittaasuata Hans Enoksen-ip Kina-mut angalaneranut ilaammata.