Apersuilluni paasiniaanerit nannut iluaqutigissavaat
Nannunniartarnernut, silap sikullu pissusaannut ilisimasanut tunngatillugu apeqqutinut, Qaanaap Upernaviullu Kommuneqarfiini piniartut akissuteqarnissaminnut ungasinngitsukkut periarfissaqarlualissapput. Apersuilluni misissuinermi siunertarineqarpoq nannunniartartut nannut pillugit ilisimasaannik katersinissaq.
- Silaannaap allanngoriartornera nannullu kommunini taakkunani marlunni piniartut nannunniartartullu ilisimaarilluarpaat.
- Silaannaap kissatsikkiartornera pissutigalugu Issittumi siku allanngoriartorpoq, aamma Baffinip Kangerliumarngani taamaakkunarluni, Pinngortitaleriffimmiit ilisimatitsissutigineqarpoq.
Sumiiffinni orninneqartussani kingullermik iluatsittumik apersuilluni misissuisoqarpoq 1989-1990-imi.
Uani misissuinissami Anna Heilmann Upernaviup Kommuneqarfiani apersuissalluni angalaassaaq, Tukummeq Qaavigaq Qaanaap Kommuneqarfiani angalassalluni. Pinngortitaleriffik, piniartut Aalisarnermut Piniarnermullu Pisortaqarfik aamma Inuit Issittormiut Kattuffiata akornanni suleqatigiinnikkut misissuinissaq ingerlanneqassaaq.
Apersuinernit nalunaarusiaq kalaallisut, danskisut tuluttullu saqqummersinneqassaaq, assersuutigalugu inuit Nunavummeersut nannunut tunngatillugu "avitseqatigisartakkatta" paasissutissat aamma iluaqutiginiassammatigik.
Misissuinissaq februaarimi ingerlanneqassaaq.