Apersortittarneq saqitsaassutigigaat

Danmarkimi politikerit apersortinnissamut atuartitaasarnerit saqitsaassutigilerpaat. Socialdemokratit piumasaqarput, apersortinnissamut atuartitaasarnerit meeqqat atuarfiini atuarnerup nalaani pisassanngitsut.

Ullumikkut danskit atuarfiini apersortittussat ullaap tungaani arfineq-pingasuniit qulit tungaanut pisarput. Piffissarlu taanna palasit piffissaannut ajunnginnerutinneqartarpoq, taamalu aamma meeqqat atuarfiisa inatsisaanni ullaap tungaani pisassasoq allassimalluni.

Tamanna atuarnerup nalaani pisartussaanngikkaluartoq, Socialdemokratit atuartitaaneq pillugu oqaaseqartittagaata Christine Antorinip taama oqaatigaa.

- Apersortinnissamut atuartitaaneq oqaluffimmut attuumassuteqarpoq kuiseqqinnerusoq, upperisarsiornermullu atuartitaanermut attuumassuteqarani, taamaalilluni atuarfik oqaluffillu taputartuunneqarput, taama Christine Antorini oqarpoq.

DR-p tusagassiaa naapertorlugu tamanna konservativ-it Dansk Folkepartiillu assut akerlerisimavaat.