Aperineqartut 18 procentiisa peqqinnissaqarfik iluarinninngilaat

Peqqinissaqarfimmi sulisussaaleqinerup kinguneri napparsimasunut sunniupput. Issittumi nappaatit pillugit ilisimatooq, Peter Bjerregaard, napparsimasut katsorsartinniartut sulissuneqarnerminnik qanoq iluarusutsiginerata nalilerneqarnerat, peqqinnissaqarfimmi pisortat ataatsimeersuarneranni saqqummiuppaa.

Napparsimasut naammaginartitsivissunngillat, iluarsiisoqarsinnaavorlumi.

- Nappasimasut katsorsartinniartut sulissunneqarnerminnik qanoq iluarusutsiginerat 1993-imi misissoriarlutigu 2007-imi misissoqqikkatsigu, iluarusunnerujartortut malugisinnaavarput, ilisimatooq Peter Bjerregaard ataatsimmeersuarnermi saqqummiussinermini taamatut oqarpoq. Katsorsartinniartulli suut iluarusuutigineraat erseqqissumik saqqummiunneqanngillat. Katsorsartinniarluni utaqqivallaartarneq sulisullu paasissutissiinissaminnut piffissaajatsisarnerat naammagineqanngitsoq, misissuinermi paasisat ilagaat. Katsorsartinniartut sulissunneqarnerminnut atatillugu naammaginninnerulersinniaraanni peqqinnissaqarfimmi ataavartumik sulisoqarsinnaalernissaq anguniarneqartariaqarpoq, sulisunullu atugassarititaasut pitsanngorsarneqartariaqarlutik, sulisut suliffimminni qanoq misigisimaneri katsorsartinniartunit maluginiarneqartuartarmata, ilisimatooq Peter Bjerregaard oqarpoq.

Peter Bjerregaardip erseqqissarpaa ukiuni kingullerni peqqinnissaqarfimmi ajalusooriartuinnarneq pillugu sakkortuumik isornartoqartitsinerit saqqumminnginneranni misissuinerit ingerlanneqarsimasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat