Apeqqutit akissutissaqartinngisat amerleriaannarput

Ilulissani ippassaq unnukkut toqqaannartumik TV-kut radiokullu qineqqusaartoqarmat apeqqutit akissutissartinneqanngitsut amerleriaannartut, malinnaasut ilaat Juaaka Lyberth oqarpoq.
marsip 26-at 2008 15:15

Ilulissani ippassaq unnukkut toqqaannartumik TV-kut radiokullu qineqqusaartoqarmat apeqqutit akissutissartinneqanngitsut amerleriaannartut, malinnaasut ilaat Juaaka Lyberth oqarpoq.

-Akisoorpassuit qineqqusaarutigineqarput partiilli arlaannaataluunniit oqaatiginngilaat qanoq tulleriiaariniarnerlutik qineqqusaarutitillu qanoq aningaasalersorniarnerlugit, Juaaka Lyberth oqarpoq. Inuiaqatigiinni pisunik malinnaasoq Sisimiunilu kultuip illuani pisortaq Juaaka Lyberth oqarpoq qineqqusaartut partiilluunniit sapiissuseqarsimanngitsut unneqqarillutik akinissaminnut. Juaaka Lyberthip malugaa akileraarutip qanoq angitigisariaqarnera illoqarfiullu sorliup borgmestereqarfittut inissinnissaa aammalu kina borgmesterissatut piukkunneritsik qineqqusaartut arlaannaataluunniit oqaatigisinnaanngisinnaasimanngikkaa. –Qinersisartut pingaartitaat qinerseereerpat aatsaat akerusuppaat, taamaammat isumaqarpunga qineqqusaartoqaraluarmat apeqqutit akissutissaqartinngisat amerleriaannartut, Juaaka Lyberth oqarpoq.