Apeqqarinnerit akissarsisalissapput
Aperiinnariarit! Taama qulequtserlugu Nuup Kommuneata nittartakkamini www.nuuk.gl-imi kommunit kattunnissaat pillugu paasissutissanik pilersitsisivoq.
Allattoq Louise M. Kleemann
maajip 07-at 2008 09:00
Kommunit kattunnissaannut tunngasunik nittartakkami apeqquteqartoqarsinnaavoq, apeqqarissaallaqqinnerillu akissarsitinneqartassallutik.
- Neriuppugut taamaaliornikkut Nuup siunissaa paasissutissiissutigisinnaassallugu taamalu oqallinnermik aamma pilersitsisinnaassalluta, David Michelsen Nuup Kommuniata tusagassiisarfianeersoq oqarpoq.
