A.P. Møller-Mærsk akileraarnaveersaartutut inissisimapput

Qallunaat uuliamik nioqqutilissuit umiarsuaatilissuillu, A.P. Møller-Mærsk akileraarnaveersaartut toqqorsimaartarfiini Bermudami, Panamami Bahamasinilu isertuussaminnik suliffeqarfiuteqarput.
Allattoq Elisa Isaksen
novembarip 01-at 2007 17:13

APM Gruppip Amerikami Qiterlermi Amerikamilu Kujallermi suliaminnut inatsisilerinikkut aningaasarsiornikkullu qitiusutut, akileraarnaveersaartut qimaasarfiat Bermuda atorpaat. Atuakkanik saqqummersitsisarfimmit Documentasimiit atuakkami ”Esplanadenimi”, novembarip ulluisa tallimaanni saqqummertussami tamakku atuarneqarsinnaapput.

Atuakiortup, immikkut aningaasarsiornermik ilisimasallip, civiløkonom Søren Ellemosep A.P. Møller-Mærskip Amerikami suliffeqarfiutaasa Bermudamut atuumassuteqarnerat uppernarsarpaa.

Bermudami suliffeqarfiit akileraartinneqarneq ajorput, aamma aningaasarsiat ernialluunniit akileraaruserneqarneq ajorput.

APM-imikkut 2006-imi Bermudami sisamanik suliffeqarfiuteqarnerarlutik aningaasaqarnikkut naatsorsuutimminni nalunaarsorsimavaat, Søren Ellemoselli suliffeqarfiit Bermudamiittut A.P. Møllerimit pigineqartut ikinnerpaamik 16-it atuakkiamini eqqartorpai. A.P. Møller-Mærsk ukiut 50-it sinnerlugit Bermudami suliffeqarfiuteqarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq