Antuut allagartalersueqquniarpoq

Avatangiisinut pinngortitamullu naalakkersuisup dansket naalakkersuisuinut piumasaqaatigilersaarpaa allagartalersuisoqassasoq.
Allattoq Rune Langhoff
septembarip 01-at 2010 15:54

- Tupiginngilara piniartut taamatut eqqumiiginninnerat. Qaanaarmiullu nunanik plutoniumimik mingutsinneqarsimasunik allagartalersueqqusinerat pissutissamisoorsoraara, Anthon Frederiksen KNRimut oqarpoq.

Imaani uumasut mingutsinneqarsimanersut pillugit misissuisimaneq Qaanaarmiunit naammaginartinneqanngilaq, taamaammallu Anthon Frederiksenip ingerlateqqinneqarnissaa anguniarniarlugu oqaatigaa. Tassanilu paasisat Qaanaami inuit peqqissusaannik misissuinerit ilanngullugit misissoqqinneqartariaqassasut oqaatigaa.

-Nunat plutoniumimik mingutsinneqarsimasinnaasut allagartalersorneqarnissaat pissusissamisoorsoraara, danskillu naalakkersuisuinut tamanna piumasaqaatigissavara. Anthon Frederiksen aamma isumaqarpoq qangali akisussaasuusimasut isumagisimasariaqaraluaraat allagartalersuinissaq. Maannakkulli Qaanaarmiut ataatsimeeqatigereerpakka suliaq ingerlateqqinniarlugu, Avatangiisinut pinngortitamullu naalakkersuisoq Anthon Frederiksen oqarpoq.