- Ajorluinnartumut ingerlavugut, tuniluunnerlu maannakkorpiaq nakkutigeqqissaanngikkipput ersarippoq, USA-p naalakkersuisuisa peqqinnissamut siunnersortaasa qullersaat Anthony Fauci oqarpoq.Assi: Pool/Reuters/Ritzau Scanpix

Anthony Fauci: USA-mi coronamik tunillatsissimasut ullormut 100.000-nik amerlisalerataannaasut

USA-mi coronavirusip tuniluunnera nakkutigineqanngilaq. Tamanna ernumanaqisoq, USA-p naalakkersuisuisa peqqinnissamut siunnersortaasa qullersaat oqarpoq.

USA-mi pissutsit allanngunngippata coronavirusimik tunillatsittutut nalunaarsorneqartartatut ullormut 100.000-usalersinnaapput.

USA-p naalakkersuisuisa peqqinnissamut siunnersortaasa qullersaat, Anthony Fauci, Senatimi Washingtonimiittumi marlunngornermi tusarniaanermi oqarpoq.

- Ajorluinnartumut ingerlavugut, tuniluunnerlu maannakkorpiaq nakkutigeqqissaanngikkipput ersarippoq, Anthony Fauci oqarpoq.

USA-mi inuit ullormut 40.000-t tunillatsittartut, ilanngullugulu oqaatiga.

- Allanngortoqanngippat inuit tunillatsissimasutut paasineqartut ullormut 100.000-usalerpata tupaallaatiginavianngilara. Pissutsimmi ajorluinnarlersinnaammata ernumasorujussuuvunga, taanna oqarpoq.

AAMMA ATUARUK USA-mi coronamik tunillatsissimasut 2 millionit sinneqalersut

Tunillatsissimasutut paasineqaqqammertut affaasa missaat USA-mi naalagaaffiit inuttunersaanneersuupput, ukuusut: California, Texas, Florida Arizonalu.

USA-mi coronavirusimik tunillatsissimallutik toqusut maannamut 126.000-nit amerlanerupput. USA-mi John Hopkins Universityp kisitsisaataanni tamanna erserpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat