Anthon Geisler ullumi ilisaasoq
Anthon Geisler Ilulissani ullumi ilisaavoq.
Taanna Ilulissani utoqqaat illuanni, Unganartumi sapaatiummat ullaakkut eqqissivoq.
Anthon Geislerip ilaqutaata, Nukannguaq Geislerip oqarnera naapertorlugu ullumi ilisinermi najuuttorpassuupput.
- Ilisineq kusanaqaaq. Eqqissisimasumik ingerlanneqarpoq, taanna oqarpoq.
Anthon Geisler pillugu:
Anthon Geisler 1919-imi nunaqarfimmi Aamaruutissani Qeqertarsuarmiittumi inuuvoq.
1970-ikkut aallartilaarneranni illoqarfiup kaffebaria siulleq tunuatungaani pisiniarfeerartalik pilersippaa, taamalu illoqarfimmi kalaallit siulliit ilagalugit namminersortutut inuussutissarsiuteqalerpoq.
Anthon Geislerip kioskiutini ukiut 50-it sinnerlugit ingerlappaa.
Paasissutissarsiffik: Avannaata Kommunia.
Taassuma ilisinermi qasserpiaat najuunnersut naaatsorsoruminaatsippaa, inuilli 50-init 100-nut amerlassuseqartut iliveqarfimmi najuupput.
Anthon Geisler Ilulissani ukiut ingerlanerani takornarianit ussatigineqartalersimasumik kioskiuteqarnini ilaatigut ilisimaneqaatigaa.
Avannaata Kommuniani borgmesteri, Palle Jerimiassen (S) Anthon Geislerimik eqqaaniaanermini oqarpoq.
AAMMA ATUARUK 102-nik ukiulik Anthon Geisler eqqissivoq
Takornariarpassuit Aantuup Illumiuni pisiniarfeeranngua takornariartarpaat, ilami angut utoqqanngoreersoq pisiniarfiutiminik ingerlatsilluni suliuarsinnartoq takornagassaavoq nalinginnaasuunngitsoq. Qularnanngilarlu amerlasuut Aantuut assiliseqatigalugu ”selfie”-liortarsimassapput, Palle Jerimiassen oqarpoq.
Palle Jerimiassen meeraagallarami Anton Geislerip Ilulissani kaffebariutaanut pølsinik aappalaartunik namminerlu kartoffelsatiliaanik pisiniartuartarsimavoq.
- Kaffebarimi ualikkut issiaarluni Aantuullu pølsiutai kartoffelsalatillit mamarsaatigerujoorlugit jukeboximit nipilersuutinik aliannaarnartunik tusarnaarluni nallerneqarsinnaanngilaq, borgmesteri oqarpoq.
Anthon Geislerip kioskiutini ukiut 50-it sinnerlugit ingerlappaa, 101-inillu ukioqalernermi nalaani napparsimalerami siorna soraarninngorpoq.
Antuut tamatuma kingorna Ilulissani utoqqaat illuanni najugaqalerpoq.
Anthon Geisler 100-liigami piffissami sivisuumi pimoorussillunilu inuussutissarsiummik ingerlatsisimasutut niuertarfiutilittullu sulisimanerminut piorsarsimassutsikkut nersornaaserneqarpoq.
Ilaqutaasut misissuinerminni paasisaat naapertorlugu Anthon Geisler nunatsinni angutini ukioqqortunersaalluni toqukkut qimaguppoq.