Anthon Frederiksenip inernerit iluarisimaarpai

Anthon Frederiksen taamaakkaluartoq qinersinermik iluarisimaarinnippoq, borgmesterinngortitsinissamullu suli isumalluarluni:

- Soorunami oqaloqatigiinninnerit maanna aallartereersut takutikkumaarpaat qanoq naammassisaqartoqarumaassanersut. Partiit amerlanerit saaffigereerpaatigut. IA, Atassut Siumukkullu oqaloqatigeqqinnissaat naatsorsuutigaarput, Anthon Frederiksen oqarpoq.

Kingussalimmik suli oqaloqatigiittoqanngilaq.

- Paasinarsiartuaassaaq suna Avannaata kommunerujussuassaani tunngavigalugu pitsaasumik innuttaasunik kiffartuussineq naammaginartunik minnerunngitsumillu inuussutissarsiutit ineriartortinneqarnerannut tunngaviutikkumaneqarnersoq partiinik suleqatiginninnissami, nangippoq.

Borgmesterinngortitsinissartik ilimaginerlugu? Aperaarput.

- Soorunami qinigassanngortippugut mattussereernata. Aamma politikkikkut sulinermi oqaloqatiginninnerit, pingaartumik politikkikkut anguniakkat misilittakkallu nalilersueqataasarput, taamaattumik oqaloqatiginninneq nuannaralugulu pissangagaarput aamma, Kattusseqatigiit Partiiata siulittaasua, Anthon Frederiksen oqarpoq.