Anthon Frederiksen: Sakkutuunngorniarfimmik Qaanaami pilersitsisoqarsinnaava
Qaanaami sakkutuunngorniarfimmik ilinniarfiusinnaasumik pilersitsisoqarsinnaanera Naalakkersuisut qanoq isumaqarfigineraat, Kattusseqatigiit Partiiata Inatsisartuni ilaasortaatitaata Anthon Frederiksenip Naalakkersuisunut apeqquteqaatigaa.
novembarip 08-at 2007 14:46
Apeqqummut akissuteqaateqarnerminni Naalakkersuisut oqarput sakkutuunngorniarnissaq siunertaralugu Qaanaami ilinniarfimmik pilersitsisoqarnissaa isumaqatiginngikkitsik, paarlattuanillu inuussutissarsiutinik ineriartortitsinissaq suliniutigineqartoq oqaatigalugu.
Inuusuttut Qaanaameersut ilinniakkamik aallartitsisariaqartut ilaatigut oqariartuutigineqarpoq, aalisarnerup tungaatigut periarfissiinissap suliniutigineqarnera assersuutaalluni.
Inuusuttut Qaanaameersut pitsaanerusumik periarfissinniarlugit Anthon Frederiksen taama apeqquteqaateqarpoq. Qaanaami inuussutissarsiutitigut ilinniartitaanikkullu periarfissat annertuallaannginnerarneqarput, sakkutuunngorniarsinnaanerlu periarfissatut Anthon Frederiksenimit taakkartorneqarluni.
