Anthon Frederiksen: Oqarluartaarnerit unitsillik
Kisiannimi matumani aningaasat aamma pineqarput, tassami Naalakkersuisut aningaasanut inatsisissatut siunnersuutaani kommuninut ataatsimoortumik tapiissutit 36 millionit koruuninik sipaarniarfigineqarniarmata.
Kalaallit Nunaanni Kommunit Kattuffiannit neriuutigineqarpoq, borgmesterit sapaatip-akunnerata tulliani ataatsimiinnissaanni Anthon Frederiksen peqataajumassasoq, taamaalilluni tusagassiorfitsiguinnaanngitsoq attaveqaqatigiittoqarniassammat. Tamannali Anthon Frederiksenip neriorsuutigereersimavaa. Tassami marlunngormat septembarip 15-ianni allakkatigut qarasaasiakkut nassiunneqartutigut nalunaarutigaa, tusagassiorfitsigut maligassiuerpalaartumik piffissalersuilluni nalunaarummini tamanna nassuiaatigigaa.
- Tamanut ammasumik neriuuteqarluni oqaatiginninneq uanga ataatsimiinnissamut peqataanissara tassunga aamma tusagassiorfiit avataatigut neriorsuuteqarfigeriigara peqataaffiginiarlugu, tunngavilersugaanngilaq kisiannili oqarluartaarnerulluni. Aamma kommunini iluarsaaqqinneq pillugu oqaloqatigiinneq sulinerlu tunngavilersorluakkamik pitsaasumillu oqaloqatigiissutigineqartariaqarput, oqarluartaarutaanatik.
