Anthon Frederiksen-ip borgmesteriuinnarnissi Inatsisartunilu ilaasortaaginnarnissi aalajngiusimavaa

Ilulissani Siumup borgmestereqartitsinissani piumasarilermagu Kattusseqatigiit sinnerlugit Inatsisartunut ilaasortaq Ilulissanilu borgmesteri Anthon Frederiksen Inatsisartunit tunuarniarluni neqerooruteqarnerigaluani tunuartippaa Inatsisartuniiginnarnissi borgmesteriuinnarnississilu aalajangiullugit.

Anthon Frederiksen ippassaq Qanoruumi oqarpoq Siumukkut suleqatigiinnissamut isumaqatigiissuteqarfigissagunikkit Inatsisartuni tunuarniarluni. Siumukkulli Kattusseqatigiinnik suleqateqassagunik piumasaraat Ilulissani Borgmestereqartitsinissartik, tamanna Kattusseqatigiit akuersaarsinnaangikkaat Anthon Frederiksen oqarpoq:

-Kattusseqatigiit Partiaata eqqartoreerlugu akuerinngilaa inatsisit naapertorlugit qinigaffik piffissaq tamaat borgmesteri issiasussaammat, Anthon Frederiksen oqarpoq.

Anthon Frederiksen aamma oqarpoq Siumukkut neqeroorutigisimagaat immineq 1. borgmesteritut inissinneqarnissi, tamannalu akuersaarneqarsinnaangilluinnartoq inatsisinik unioqqutitsinerussammat.

Anthon Frederiksen oqarpoq illuatungeriit imminut neqeroorutitik piviusunngortinneqarsinnaanngippata utertinneqarsinnaasartut:

- Isumaqatigiinniarnermi neqeroorutigineqartut piviusunngortinneqarsinnaangippata, taava aamma uagut neqeroorutivut utertinneqarsinnaapput, Anthon Fredereriksen oqarpoq,- nagillunilu:- Imaanngilaq isummamik aalatitsinerusoq imaluunnit isummernissamik ajornartorsiuteqarneq.

Anthon Frederiksen aamma oqarpoq qinikkatut inatsisartuniiginnarniarnini aalajangiusimallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat