Tasiilami piterarnera pissutigalugu atuarfiit ulluuneranilu paaqqinniffiit matoqqapput. Assi: Sigmun av Teigum, Malene Hansen Gray og Hjørdis Viberg

Anorsarillunilu persertoq: Timmisartut taamaatiinnartut atuarfiillu matusut

Tasiilami piterarpoq Nuummilu atuarfiit ulluuneranilu paaqqinniffiit ullumi marlunut matussapput.

Nunarpunaasit anorersuarpoq, apivoq anorlerlunilu.

Tamanna pissutigalugu timmisartorpassuit angalatinneqanngillat, tamannalu pissutigalugu nunarput tamakkerlugu kinguaattoortoqarlunilu taamaatitsiinnartoqarpoq. Air Greenlandip ilaasusassat qanoq amerlatigut kinguaattoornernit taamaatitsiinnarnerniillu eqqugaanersut oqaatigerusunngilaa.

AAMMA ATUARUK Tasiilami sisamanngornermi sakkortuumik piterassamaartoq

Anorsarillunilu anorip sakkortusiartornera pissutigalugit Nuummi atuarfiit ulluuneranilu paaqqinniffiit ullumi marlunut matussapput. Kommuneqarfik Sermersooq taama paasissutissiivoq.

Attaveqaqatigiinnermut pisortap, Lars Damkjærip oqarnera naapertorlugu meeqqat kisimiitillugit angerlartinneqassanngillat, kommunillu angajoqqaat meeqqaminnik marlunngortinnagu aallernissaannik kaammattuuteqarfigai.

AAMMA ATUARUK DMI Canadami issinnera pillugu: Nuummi Qaanaamit nillernerusutut misiginarpoq

Tasiilami piterarnera pissutigalugu atuarfiit ulluuneranilu paaqqinniffiit matoqqapput.

Kommuneqarfik Sermersuumi Nuummi sulisuisa sinneri aamma angerlartiinnarneqartut, kommune ataasinngunngitsiartoq paasissutissiivoq. Innuttaasunut Sullissivik Isumaginninnermillu sullissivik matupput, Nuumimlu angerlarsimaffinni ikiortit isumannaallisaaneq pissutigalugu sillimaniarput pinartoqartillugulu aatsaat ornigussinnaallutik.

Nunatsinni illoqarfinni allani atuarfiit silap ajornera pissutigalugu matuneqanngitsut, kommunit KNR-imut nalunaaruteqarput. Sisimiunili eqqaavilerisut aput pissutigalugu kinguaattooqqasut, Qeqqata Kommunia ilisimatitsivoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat