Anorimik missingersueriaaseq DMI-mit atoqqaarfissiorneqarpoq
juulip 04-at 2005 17:20
Immami angalasartunut nutaarsiassaq nuannersoq DMI-mit nalunaarutigineqarpoq. Ullumikkut siullermeerluni kitaata kujasinnerusortaata kangerluisa ilaanni anorinik missingersuusioriaaseq nutaaq atoqqaarfissiorneqarmat.
DMI-p nittartagaani atuarneqarsinnaavoq, DMI-mik atuisartut nunatta kitaata kujasinnerusortaani 36 timinik sioqqutsilluni anorimik missingersuineq takusinnaaleraat.
Silasiueriaaseq nutaaq misilittarneqarpoq, kilometerit tallimat iluanni anorip sukkassusaa missingersorneqarsinnaalerluni. DMI-mit neriuutigineqarpoq silasiueriaaseq pitsaanerusoq taamaalilluni tunniunneqarsinnaalersoq kangerlunni Qeqertarsuup eqqaani, kiisalu Nuup Qaqortullu eqqaani.