Anori eqqornerusumik ilimasaarutigisalissavaat
Atortorineqartoq nutaaq Harmoniemik taaguuserneqarsimasoq DMI-p nittartagaatigut ullumimiit atorneqarsinnaalerpoq, atorniaraannilu DMI-p nittartagaata Kalaallit Nunaannut sammisaqarfianut iseriarluni tuugassaq "Fjordvind" tooraanni, Nuup, Paamiut Qaqortullu eqqaani kangerlunni anori qanoq innersoq takuneqarsinnaassaaq.
Nunatta sineriaani sumiiffiit annikinnerusukkaarlugit silap qanoq ikkumaarnissaanik takutitsisinnaanini Harmoniep pitsaaqutigaa.
Pingaartumik Sermersuarminngaanniit anorleraangat silassamik sukumiinerusumik takutitsisinnaavoq:
- Kalaallit Nunaanni kangerlunni anorlernera pitsaanerusumik takutissinnaalerparput, atortorissaarullu siunissami pitsaanerulersinnaalluni, ilami atortorissaarutip ineriartortinnissaa eqqarsaatigigatsigu, Bent Hansen Sass, DMI-meersoq oqarpoq.
