Japanimi qarsutsinerujussuaqarpoq.Assi: Kyodo/Reuters/Ritzau Scanpix

Anorersuarujussuaq Japanimut aqqusaarmat inuit 23-t toqupput

Anorersuarujussuup kaavittuliortup Hagibisip arfininngornerup unnukkuani Japani aqqusaarmagu inuit 23-t ajunaarput. Anorersuaq qarsutsinermik nassataqarpoq.

Sialussuarujussuarnerata kingorna Japanimi aatsaat taama annertutigisumik qarsutsinersuaqarpoq. Inuit 23-t ajunaartut saniatigut inuit 16-it periarfeerunneqarput, Japanimi nutaarsiassaqartitsivik NHK taama allaaserisaqartoq nutaarsiassaqartitsivik Reuters allappoq.

AAMMA ATUARUK Storm får Japan til at anbefale millioner at evakuere

Anorersuarujussuaq Hagibis arfininngornerup unnukkuani Japanimut annguppoq.

Japanip illoqarfiisa pingaarnersaanni Tokyop eqqaani anorersuarujussuarmat Japanimi silasiuut innuttaasunut mianersoqqusillutik aarlerisaarisimasut nutaarsiassaqartitsivik AFP allappoq.

Innuttaasut inuunertik illersorniarlugu anorersuaq takkuppat toqqorfissarsiarsiussasut kaammattorneqarput.

Sialuk meteringajak

Siallerujussuarneranit qarsutsineq meteringajak angullugu ititigaaq.

Mianersoqqusilluni aarlerisaarut inunnut 6 millioninut apuunneqaqqammertorlu anorersuarsuaq Hagipis tiimimut 216-inik sakkortussuseqarluni Japanimut apuuppoq.

Anori sakkortungaarmat Tokyomi nuna sajuppoq, nunap sajunnera 5,7-tut sakkortutigaluni. Inuit 10.000-t qimarnguimmukaapput amerlanerillu angerlasimaffimminni qatsorsiisimallutik. Takku ilagaat Hidetsugu Nishimura.

- 77-inik ukioqarpunga, taamaattumillu takusimanngisaannarlunga. Anorlerujussuarpalunneranik siallerujussuarneranillu kassorujussuartumik tusaasaqarpugut, qaliarsuit teqqaapput, akunnerup ataatsip missaani illorput sajuppoq, Hidetsugu Nishimura.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat