Anorersuarujussuaq Ernesto USA-mut aallaannaqaaq

Takornariat USA-mi nunap immikkoortortaani Floridami Key West-imiittut qimaguttariaqarsimapput.

Qeqertaaqqat Key West anorersuarujussuarmit Ernestomit eqqorneqassangatinneqarput.

Anorersuarujussuaq Ernesto maanna Mexicop kangerliumarnganiippoq.

Ukiup ataatsip matuma siornatigut anorersuarujussuaq Katrina aseruatitseqaluni New Orleans USA-llu kujasinnerusortaa aqqusaarpaa.

Sapusiarsuit ajoqusermata New Orleansip illoqarfittaa qarsutsinersuarmik eqqorneqarpoq, inuillu 1500-t missaanniittut ajunaarlutik.