Anorersuarujussuaq ajornartorsiortitsisoq
Allattoq Mads Lynge
Anorersuarujussuaq Alberto pitoraammat Cubami illut arlallit isasoorsimapput, inuillu ikigisassaanngitsut qimagutitinneqarsimallutik.
Cubamili illoqarfiit pingaarnersaanni Havanna-mi inuit eqqissiallassinnaapput, illut aseruatitersimasut amerlasimanngimmata.
Nunap inuinik illersuinissamik pilersaarut malillugu periusit malillugit inuit 25.000-t missaanniittut qimagutitinneqarsimapput.
Anorersuarujussuup Alberto-p malitsigisaanik siallerujussuarnera annikilliimisimavoq, nunalli immikkoortortaani Pinar del Rio-mi suli siallingaatsiarsinnaasassalluni, Cubami silasiortut oqarput.
Pinar del Rio-mi akunnerni aqqaneq-marlungajalluinnarni innaallagiaarunneqarsimavoq.