Anorersuaq upalungaarsimanerulersitsissanngilaq
Innaallagissamik qamittoornerup kinguneranik atortut attaveqarniarnermut pingaarutillit atorsinnaajunnaarallarnerisa kinguneranik, isumannaallisaanerup pitsanngortinnissaanut tunngavissaqanngitsoq, Attaveqarnermut Naalakkersuisoq, Jens B. Frederiksen oqarpoq.
Allattoq Apollo Jeremiassen
januaarip 26-at 2011 11:47
- Massakkut qanoq immikkut iliuuseqarnissaq tunngavissaqanngilaq. Innaallagissamik qamittoornerit taama ittut akuttusoorujussuarmik pisarput. Ajutoortoqarneranilu aaqqiipallattoqarpoq, tamannalu nuannaarutigaara.
Taama oqarpoq Jens B. Frederiksen, taassumalu tassa pissutissaqannginnerarpaa, qamittoortoqarnerani immikkut iliuusissanik isumannaallisaaneq eqqarsaatigalugu aningaasaliissutinik ilaseqqinnissaq.
Jens B. Frederiksenip naatsorsuutigaa, suliffeqarfiit eqqugaasut pisoq ilinniarfigissagaat.
- Tassunga tunngatillu qanoq immikkut iliuuseqarnissatsinnut pissutissaqannginnama. Immikkut iliuuseqartoqassappat, TELE aamma Nukissiorfiit qanoq iliuuseqarumaarput. Attaveqarnermut Ineqarnermullu Naalakkersuisoq, Jens B. Frederiksen oqarpoq.
