Anorersuaq akornusersuivoq
Sinerissap ilarujussuani anorersuarnera angallannermik eqquiinnarani aamma innaallagiaaruttoornermik aamma oqarasuaatikkut attaveqarsinnaajunnaarnermik kinguneqarpoq.
Allattoq Najaaraq Egede
KNR-p aallakaatitsinera unnuarli ikerinnakkut kipivoq, tassa Nuummi anorersuarnerata kingunerisaanik Tele innaallagiaarummat aallakaatitsinera kipivoq.
Ullaaq nalunaaqutaq arfineq-pingasunngorluinnartoq radio-t attaveqaqqilerput, kisianni Mobilnet, internet aamma VHF-radio suli tamakkiisumik suli ingerlaqqilinngillat. Telemit nalunaarutigineqarpoq, ajoqut sumiinnersoq tamaviaarlutik paasiniaritsik.