Annso Hardenberg Tysklandimi saqqummersitsinissarsuarmi peqataassaaq
Annso Hardenbergip suliffeqarfiutaa “Kvann Aps” aqqutigalugu atuagaq igaanik najoqquttassialiaq taaguuteqartinneqartoq Igaassat, nutamik allatullu ilusilerlugu, nutaanillu najoqqutassianik ilalerlugu nittarsaanneqassaaq, ilaatigut nerisassiat kuanninik tupaarnanillu akoqartut allaaserineqarsimallutik.
Nerisassanut akuutissat aserorterutaannik Annso Hardenberg aamma saqqummersitsiniarpoq. Aserorterut taanna kroylitimik tigummiveqartinneqarpoq naqqatigullu ukkusissamik atortulerneqarsimavoq qeeqqap amianik qallerneqarsimasumik.
Igaanik saqqummersitsinissaarsuarmi Frankfurtimi februaarip ulluisa 14-annit 17-ata tungaanut ingerlanneqartussami suliffeqarfiit 4.600-it saqqummersitsissapput nunanit assigiinngitsunit 90-init peqataaffigineqassalluni naatsorsuutigineqarporlu inuit 140.000-it takuniaajumaartut.
