Annikitsumik aatsitassarsiornissamut akuersissutit ammaanneqarput
Maannalu Naalakkersuisut Qeqertarsuatsiaat eqqaani sumiiffit marluk innuttaasunut annikitsumik aatsitassarsiorniarlutik qinnuteqartunut ammaaffigaat.
Sumiiffiillu taakku inuinnarnut, Nunatsinni najugaqavissunut, aatsitassarsiorfinnullu attuumassuteqanngitsunut immikkut toqqagaapput.
Sumiiffiillu taakku inissaqarluaqaat – tassami 112 kvadratkilometerisut 135 kvadratkilometerisullu isorartutigimmata.
Sumiiffiit ammaanneqartut siornatigut misissuiffegeqqusaanatillu piiaaffigeqqusaasimanngillat, maannali Aatsitassanut Ikummatissanullu Naalakkersuisoqarfiup GEUS suleqatigalugu sumiiffiit annikitsumik aatsitassarsiorfissaqqissutut nalilerpaat – ingammik sumiiffinni rubineqartoq paasineqarmat.
Sumiiffiit ammaanneqartut sumiinnersut uani takusinnaavatit, Nuuk Regionimiipput ammaaffigineqartut.
Ujaqqanillu katersinissamik soqutiginnikkaanni Aatsitassanut Ikummatissanullu Naalakkersuisoqarfimmut aggustip 31-at nallertinnagu qinnuteqaammik nassiussisinnaavutit.