Anngiortumik inunnik eqqussuineq iliuuseqarfigaat
Tigusarinninneq “Bagdadimi tigusarinninnermik” taaneqarpoq, tassami tigusarineqartut amerlanersaat Irakimiuunngikkaangamik Europamiuusarmata Irakimiunit kingoqqisut.
Frankrigimi 27-t politiinit tigusarineqarput, sinnerilu nunani ukunani tigusarineqarlutik: Belgia, Tyskland, Grækenland, Irland, Holland, Norge, Sverige aamma Tuluit Nunaat.
Anngiortumik inunnik eqqussuisartut sullitaat – tassa unioqqutitsillutik nunasiniat – amerlanersaat tassaapput Afghanistanimiut, Irakimiut aamma Kinamiut, taakkualu Europami nunasiniarlutik aningaasarpassuarnik akiliisimapput. Anngiortumik nunasinianik sullissisut inuit qassit Europamut eqqussimaneraat Europami politiit suleqatigiiffiata Europolip maanna suli oqaatigisinnaanngilaa.
Politiit ullumikkut iliuuseqarnerat ukiuni marlunni piareersarneqarpoq, Europolillu inunnik anngiortumik eqqussuinermut atatillugu ataqatigiissaakkamik iliuuseqarnerisa annersaralugu.
Pineqartoq misissorneqaleruttormat, Danmarkip qanoq akuutiginera Europolimit oqaatigiumaneqanngikkallarpoq.