Anngiortumik eqqussiniarneq ajornakusoornerulissaaq

Danskit akileraartarnermut ministeriata Kristian Jensenip qinnguartaat nutaaq ullumi atoqqaartippaa. Containerinik Danmarkimi ataatsimoortitsiviunerpaami, Århusimi, containerit tikiussat aallarussassallu sakkussianik, qaartartunik, ikiaroornartunik anngiortumillu eqqussiniarnermi atorneqartarnersut misissugaasalissapput. Qinguartaat 25 mio. kr.nik akeqartoq iluaqutaassangatinneqaqaaq.

-Qinnguartaammik pisaarnitsinnut peqqutaanerpaavoq containerit tikiussorneqarlutillu aallarussorneqartut ajortumeerianit iluaqutiginiarneqannginnissaat.

Suliffeqarfiit pilertornerusumik tikisitamik anngiortumik imaqannginneri paasisinnaalissavaat.

Nunarsuarmioqataasutut peqqarniisaarnianik akiuiniarnermi piumasarisaasut sakkortusinikuupput, pisariaqavipporlu uaguttaaq upalungaarsimanermi suleqataanissarput, danskit akileraartarnermi ministeriat Kristian Jensen isumalluartoq nassuiaavoq.

Naatsorsuutigineqarpoq containerit 60-t ullormut qinnguartarneqartassasut.

Qinnguartaanermi inuit marluk nakkutilliisassapput.

Containerit siusinnerusukkut ammarterlugit misissorneqartarnerat qaangiuttussanngorpoq, pisareeqisumillu misissuipallattoqarsinnaalerluni.