Annertusisamik atuartitsineq aatsaat 2010-mi

Annertusisamik atuartitsinermut tunngasut aatsaat 2010-mi kommunerujussuarnut tunniunneqartussanngormata Ilulissani Specialcenterip piareersaatimi kinguartinnissaat akuerisariaqarpai, qitiusumik Innarluutilinnut inatsisilioqqaarluni akisussaaffimmik kommunerujussuarnut tunniussisoqarumaartoq neriuutigineqarpoq.
Allattoq Najaaraq Egede
juunip 20-at 2008 16:00

- Ilusissamik sanareernikuugaluarpugut meeqqat inuuneranninngaaniit inersimasunngornissaata tunngaannut Specialcenterimiit iluserileernikuugaluarpaat Kommunerujussuit akisussaaffigilernissaannut atatillugu.

- Tassa tarnimikkut innarluutillit pisinnaanerulernissaata tungaannut ilaasalu inuunertik tamakkerlugu Specialcenterimi atuartuusinnaanissaat anguniarneqarami. Kommunerujussuarnulli tunniussinerit kinguartinneri ilutigalugit Arnaruluk Pedersen neriuppoq, Namminersornerullutik Oqartussat Innarluutilinnut inatsisiliornissaminnut piffissaq atoqqaarlugu kommunerujussuarnut tunniussiumaartut. Massakkut inatsiseqannginnerata aningaasaliissutissat inissinnissaat suliniarnermut inerisaanissamullu aporfiusuarmata, taamatut oqarpoq Ilulissani Specialcenterimi pisortaq Arnaruluk Pedersen.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq