Annersaasimasutut unnerluutigineqartut iperagaasut

februaarip 12-at 2007 16:19

Angutit marluk, sapaatip akunnerani kingullermi Hotel Godthåb-ip silataani angummik annersaarujussuarsimasut tigummigallagassanngortinneqartut iperagaapput.

Tigummigallagassanngortinneqartut ikinnerpaamik ullut aqqanillit tigummineqartussaasimagaluarput, aalajangiinerli aappaata suliassanngortimmagu nunatta eqqartuussivia aalajangerpoq iperagaassasoq.

Annersaasimasup aappaa iperagaammat tigummigallagaasup aappaa aamma iperagaassasoq politiit aalajangerput.

Annersaanerup unnuani annersaasut annersarneqartorlu Hotel Godthåb-imi oqqatingaatsiarsimapput imerniartarfiullu silataani annersaaneq pisimavoq, annersarneqartoq Dronning Ingridip Napparsimmaavissuanut unitsinneqartariaqarsimalluni.

Annersaasimaneq pillugu suliaq suli ingerlasoq eqqartuussivimmullu suliassanngortitsinissaq politiit nalilersorpaat.