Anne Sofie Hardenberg: Kuanneq atorluarneqarsinnaavoq
Suli naasoq kuanneq pineqarsinnaavoq. Nunap ilaani kuannit saannaalersimassagaluartut suli alannguni kusanartut katersorneqarsinnaapput. Naasuleritooq Anne Sofie Hardenberg kuannip sumut atorsinnaaneranik ima siunnersuuteqarpoq:
-Tassa kuannit assigiinngitsorpassuarnut atorsinnaapput vitamininik ulikkaaramik, soorlu kanaartaa atoneqarsinnaavoq neriinnarlugu, kaagiliornermi, marmeladeliornermi, nerisassiornermi aamma kompot-inut.
Imerpalasunut aamma atorneqarsinnaavoq.
- Snapsiliornermi akugineqarsinnaavoq, tiiliarineqarsinnaavoq aammalu nerisassani akuutissanut dressingimut. Immialiorsinnaavugut.
Iffiukkat kuannimik akuneqarsinnaapput, nutaajutillunilu kuannip pilutai kanaartaalu salatinut atoneqarluarsinnaapput. Punneq aamma kuannimik akuneqarsinnaavoq, tassa kuanneq nutaajutillugu.
Panertuutilluguli sorpassuarnut aamma atorneqarsinnaavoq, allaat imerajunnaveersaatitut.
- Tupinnaqutigivaa kanaartaasa, inerititaasalu aamma usunngusaata imerajuttunut nakorsaatigineqarsinnaanera. Ullormut tiitorfiit marloriarlugit imertaraanni, imerajuttup imerusunnera aamma pinaveersaartinneqarsinnaalluni.
Sukkortulli mianersortariaqarput.
- Kuanneq sukkumik annertuumik akoqarmat. Sukkortut annertuumik atornissaa mianersuutigissavaat.
Anne Sofie Hardenbergip ulluinnarni kuanneq atortuaannavippaa, kuanneq tamaviat.
- Soorlu æblejuice imaluunniit imeq atorlugu kuannip kanaartai imaluunnit pilutai nutaat panertulluunniit imikkamut akuliussinnaapput. Soorlu aqagumut arpassagaanni, taava akusamik unnuppallaanngitsukkut imertariaqassaatit nukkasaatigisinnaasannik.
- Annertoorujussuarmik nukissamik tunisisarpoq, qasuissusermik aamma inuummarinnermik. Anne Sofie Hardenberg, Qaqortumit taama oqarpoq.
Anne Sofie Hardenberg, nunatta naasuisa qanoq atorluarneqarsinnaaneranik paasiniaalluni, maajip naggataanili kujataaniilerpoq.