Annaassiniarneq: Maqaasineqartut marluk timmisartumik Challengerimik ujaarineqartut
Angut arnarlu umiatsiaararlutik Ilulissaniit sapaatiummat unnukkut arfineq-pingasunut qiteqqunnerata missaani aallarput. Taakku Qeqertarsuup tungaanukarlutik aallarput, sulili apuussimanngitsut ilimagineqarpoq.
Issittumi Sakkutooqarfik Facebookimini taama allappoq.
Taamaammat annaassiniartoqarpoq.
Issittumi Sakkutooqarfik aamma Kalaallit Nunaanni Politiit suleqatigiillutik inuit marluk ujaaraat. Issittumi Sakkutooqarfiup timmisartua Challenger Ilulissat Qeqertarsuullu nalaanni ujaarinnissutaavoq, aamma politiit angallataat Kimik Aasianniit ujaarinnikkiartoqataajartorpoq.
Ujaarineqartut qaqortumik Utternimik quliliuttagalimmik qernertumillu aquuteralalimmik umiatsiaqarput.
Angallammi ajornartorsiornermik kalerrisaarisoqareerpoq, aamma Ilulissat Qeqertarsuullu nalaanniittut ujaarineqartut umiatsiaannik alapernaarsoqquneqarput.
- Motooriiarsimallutik ikiortarialiunissaat aarleqqutigaarput. Taamaammat Ilulissat Qeqertarsuullu nalaanniikkuit alapernaarsoqquneqarputit. Alapernaarsortut amerlaneruppata pitsaanerussaaq, Issittumi Sakkutooqarfiup tusagassiinermi akisussaasua Camilla Schouw Broholm oqarpoq nangillunilu:
- Tamaani najugallit ujaarineqartunik nassaarinneqqaarsimasortaqarput. Taamaammat ikioqquvugut.
Maqaasineqartut pillugit paasissutissaatillit, Kalaallit Nunaata Politiivinut 701448-mut sianerlutik attaveqaqquneqarput.