Annaassiniarneq iluatsilluarpoq
Angutit, ataataq erneralu, 46-nik 20-nillu ukiullit umiatsiaaqqaminnik arfininngormat aallarput, Kangersunermut Oqaatsut eqqaanut qimatuliartorlutik, ajornartorsiulerpulli, politiit KNR-imut oqaluttuarput.
Ajornartorsiulernermik Ilulissani politiit arfininngormat unnukkut qulingiluanut tanneq qulinngortoq nalunaarfigitipput. Angutit marluk umiatsiaaqqaminnik sikunit ungusaallutik ingerlaqqissinnaajunnaarsimapput.
Politiit angallataat peqanngimmat, kutteri 46 fordsiusoq ajutoorfimmukartinneqarpoq. Taannali ajutoortunut aamma nalunaaquttap akunnerini arlalinni anngussinnaasimanngilaq. Pillutik, pillutik kiisami sapaammi ullaakkut arfineq qaangerlugu tanneq marluk ajoratik Ilulissanut apuussinnaasimapput.
Erneriit soorunami qiiaqaat, ajoratilli. Nakorsamit ikiorsertariaqarsimanngitsut aamma oqaatigineqarpoq.
Umiatsiaaraat kutterip kalillugu Ilulissanut apuuppaa.
Aalisartut piniartullu taakku ukiuunerani takornarianik qimussiussinermik suliaqartuupput.