Annaassiniarluni qillerinerit aallartipput

Chilemi qaarusummi sulisut 33-t qaarusummi qaartoortoqarnerup kingorna mattusaaqqasut, qaqinniarneqarnisaat anguniarlugu qillerinerit ullumi aallartipput.
Allattoq Jaaku Lyberth
aggustip 30-at 2010 06:53

Immikkut ilisimasallit oqarnerat malillugu qaarusummi sulisut 788 meterinik ititigisumi mattussaaqaasut, qaqinniarlugit qillerinerit aallartittut, qillerinerit qaammatini sisamani ingerlanneqassangatinneqartut.

Qillerisoqarnerani qaarusummi sulluliat pioreersut ilaat atorlugu qaarusummi sulisut anguneqarneqarsinnaappata, qaarusummi sulisut oktoberip qaammaataani annaanneqarsinnaapput.

Qaarusummi mattussaaqqasut ilaqqutatik oqarasuaatit immikkut sanaat atorlugit oqaloqatigaat.

Qaarusummi sulisut ilaataat, qaarusummi sulisunik mattussaaqqaasunik oqaloqateqartinnagit, piumaffigineqarput, isumalluarpaluttumik oqaloqqullugit aammalu misigissutsinik mianertartunik oqaloqqunagit.

Qaarusummi sulisut nipilersuutinik tusarnaartarniassammata, nipilersuutinik mp3-nik taaguutilinnik qaarusummut ningitsiffigineqarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq