Anna Politkovskaja-mut toqutsisimasutut pasisat pingasupput
Inuit pingasut tusagassiortumut naalagaaffimmik isornartorsiuisartumut Anna Politkovskaja-mut toqutsisimasutut russit unnerluussisuisa, ullumi unnerluutigaat.
Allattoq Elisa Isaksen
Politkovskajap ilaqutaanut eqqartuussissuserisup ilimagaa, qaammatip uuma naanerani eqqartuussineq aallartinneqarsinnaassasoq. Nutaarsiassaqartitsivik Reuters taama nalunaarpoq.
Politkovskaja 2006-imi oktobariugaa angerlarsimaffimmi silataani toqutaavoq. Taanna Ruslandimi Kaukasus-imilu inuit pisinnaatitaaffiinik sorsuutiginnilluni, taamanikkut præsidentiusoq Vladimir Putin saassutarisarsimavaa.
Putinip ukiuni arfineq-pingasuni præsidentiunerata nalaani, toqutsineq Ruslandimi aatsaat taamak aalassatsitsitigaaq.