Ann Birkekær Kjeldsen pisortanngorpoq

Ilaqutariinnermut Peqqissutsimullu Naalakkersuisoqarfiup Kalaallit Nunaanni Peqqinnissaqarfimmi aqutsisussatut pingaarnertut toqqarpaa Ann Birkekær Kjeldsen 45-nik ukiulik.
Allattoq Najaaraq Egede
februaarip 14-at 2009 13:55

Ann Birkekær Kjeldsenip naalakkersuisoqarfimmi decembarimili sulilersup taarserpaa Søren Rendal, nammineq piumassutsiminik atorfimminit tunuartoq.

Peqqinissaqarfimmi allaffissornikkut pisortanngortup suliffigiligaa tassaavoq atorfik ilungersunarluinnartunik suliaqarfiusoq. Peqqinnissaqarfimmimi ataatsimut isigalugu paatsiveerusimaarneq sulisussaaleqinerlu atuupput.

Ann Birkekær Kjeldsen Kalaallit Nunaanni inunngorsimasuuvoq peroriartortuullunilu. 1988-imili peqqinnissaqarfimmi peqqissaasutut sulileramili atorfinnik arlalinnik aallutaqarsimavoq, Naalakkersuisoqarfimmi sulilinnginnermini Peqqissaanermut Ilinniarfimmi ukiuni kingullerni pisortaalluni.