Ankarami qaartitsinissaagaluaq pinngitsoortinneqarpoq

Qaartartorujussuaq biilimut inissinneqarsimasoq politiit qaartartunut paasisimasalittaasa qaarsinnaajunnaartimmassuk, Tyrkiami illoqarfiit pingaarnersaanni, Ankarami, qaartitsinissamik pilersaarusiaq pinngitsoortinneqarpoq. Tamanna pivoq USA-mi 2001-imi ukiut arfinillit matuma siorna septembarip ulluisa aqqarnganni peqqarniisaartoqarnera ulloq eqqorlugu.
septembarip 11-at 2007 05:17

-Ajunaarnersuaqarnissaa politiit pinngitsoortkkunarpaat, Ankarami guvernøri, Kemal Onal, oqarpoq.

Biili qaartartumik inissiiviusimasoq Ankarami illoqarfiup qeqqata missaani illorsuup biilinut inissiisarfiup qanittuaniissimavoq, guvernørilu naapertorlugu, qaartiteruterpassuit inissinneqarsimapput.

Tyrkiami TV-qarfiit naapertorlugit qaartiterutit qaartartunik paasisimasalinnit biilimiit piiaanerini illorsuup biilinut inissiisarfiup eqqaa tamarmi aqqutigeqqusaanani assersorneqarpoq.

Kurderit pikitsitsisut, ingasaassiniat saamerliit Muuamaakkusiiortulluunniit Tyrkiami arlaleriaqalutik qaartartumeereriartareerput.

Ankarami pisiniarfissuarmi imminut toqoriaatigaluni maajimi qaartartumeerisoqarmat inuit arfinillit toqutaapput, qaartartorlu sakkukinnerumaaq eqqartuussiviup initaani aggustimi aamma qaarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq