Anisuut politiit qimmiinut sungiusaatitut atorpaat
Danmarkimi angutit anisuui politiit qimmiinut atorneqartalerput.
Pinngitsaalilluni arnerisoqarsimatillugu politiit qimmiisa pinngitsaaliisimasumik nassaarniarnissaq eqqarsaatigalugu Danmarkimi politiit qimmii pitsaanerpaat 40-t maanna sungiusarniarneqalersut, nutaarsiassaqartitsivimmi Ritzauimi allaaserineqarpoq.
maajip 17-at 2010 12:38
- Misiliuterput ingerlalluarpoq. Misiliuterput angutit paasilluarmassuk qujassutigeqaarput, politiit qimmiisa sungiusartarfianni pisortaq, Per Thomsen, oqarpoq.
Sungiusarnerat sungiusartarnertut allatuulli pisarpoq, soorlu qimmit qisernik, nutsanik aammilluunniit naamanissamut sungiusarneqaraangata, Per Thomsen ilisimatitsivoq.
Angutit anisuuersittut inatsisitigut isumannaalluinnaqqissaarnerat Per Thomsenip aamma neriorsuutigaa:
- Anisuut sumorpiaq ilineqarneri allattoqqissaartarpavut. Qimmit sungiusarnerat naammassigaangat imerpalasumik kuisassatsinnik nakorsaniit pisarpugut, sumik malunnartuerunnissaa anguniarlugu, Per Thomsen oqarpoq.
