Anisitaasut ilagalugit ataatsimiigiassamaarpoq

Demokraatini siulittaasup tullia Palle Christiansen aperaarput ataatsimigiassanersoq, akivorlu:

- Soorunalimi ataatsimiigiassaanga. Ataatsimiigiaqquneqaraangama takkuttuaarnarpunga. Siulittaasoq siulersuunerniluunniit ilaasortat marluk ataatsimiigiaqqusigaangata siulersuisuunerit ataatsimiittarput. Taamaaliortoqarsimammallu ataatsimiigiassaanga, Palle Christiansen oqarpoq.

Siulersuisuunerni ilaasortat pingasut, tassa Jens B. Frederiksen, Astrid Fleischer Rex aamma Karen M. Lynge, Nuummi Demokraatinit tunuartitaareersut ilagalugit Palle Christiansen ataatsimiigiassamaarpoq, taakku siulersuisuunerni suli ilaasortaammata ataatsimiigiassasut, Palle Christiansenip oqaatigaa.

Taakku pingasut anisitaanertik akuerinngimmassuk aggersakkatut ataatsimiigiassasut matumani oqariartuutigineqarpoq.

Tusagassiorfinnik aggersaaneq Palle Christiansenip iluarinngilaa, siulersuisuunerit matoqqasumik ataatsimiittarmata, siulersuisuunernili ilaasortap Marie Fleischerip tamanna ajoriffissaqartinnagu nalunaarutigaa.

Maannamut pisimasut Palle Christiansenip nuanniinnerarpai, Demokraatinilu pisut pillugit inuit pakatsisimanerat paasisinnaanerarlugit.

Demokraatini siulersuisuunerit ualeru nalunaaqutaq sisamanut ataatsimiigiarnissaat, Per Berthelsenip siunnerfigaa.