Aningasanut inatsisissaq ullumi aalajangiiffigineqassaaq
Aappaagumut aningaasanut inatsisissaq 12 million koruuninik sinneqartoorfiusussaq, Aningaasaqarnermut Naalakkersuisup, Palle Christiansenip, sapaatip akunnerani kingullermi nalunaarutigaa.
Aningaasanut inatsisissaq ullumi taasissutigineqassaaq. Inatsisartuni ilaasortat arlaqartut inatsissap akuerineqarnissaa kissaatigigaluaraat, partiinit tamanit akuerineqarnissaa qularnarpoq. Ulloq manna tikillugu Siumut arlaleriarluni nalunaartarpoq inatsisissamut akuerseqataaniaratik, soorluttaa Atassutip inatsisissaq arlalitsigut naammagittaaliutigisaraa.
Aningaasanut inatsisissaq kikkunnit tamanit soqutigineqaraluarpoq, taamaattoq Inatsisartut allanik oqaluuserisassaqarput.
Kommunit aqunneqarnerannut inatsisissaq aamma pingajussaaneerneqassaaq, soorluttaaq Inatsisartut aamma Naalakkersuisut pillugit inatsisissatut siunnersuut eqqartorneqassalluni.
