Aningaasiviit Nuummi imaqarnerupput

Nunatsinni innuttaasut isertitaat nikingassutsimikkut allanngungaarsimanngitsut kisitsisit kingulliit ersersippaat.
januaarip 31-at 2011 09:31

Innuttaasut siorna agguaqatigiisillugu 2,6 procentimik isertitaqarnerulerput.

Kommuneqarfik Sermersuumi innuttaasut agguaqatigiiissillugu 4 procentimik aningaasarsiaqarnerulersimapput, Qaasuitsup Kommunianilu innuttaasut aamma aningaasarsiaqarnerulersimallutik.

Kommune Kujallermi Qeqqatalu Kommuneani innuttaasut isertitaat siuariarsimanngillat.

Kalaallit Nunaanni innuttaasut 2009-mi agguatigiissillugu 199.000 koruuninik aningaasarsiaqarsimapput, ukiup siuliani 194.000 koruuniusimalluni.

Kommuneqarfik Sermersuummi innuttaasut agguaqatigiisillugu 244.000 koruuninik aningaasarsimapput, Qaasuitsup Kommuneanili innuttaasut agguaqatigiissillugu 159.000 koruuninik aningaasarsisimallutik. Illoqarfinnittaaq aamma agguaqatigiissillugu ukiumut aningaasarsiat nikingassuteqaqaat. Nuummi innuttaasut agguaqatigiissilugu 208.000 koruuninik aningaasarsisimapput, Qaanaammilu innuttaasut 128.000 koruuninik aningaasarsisimallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq