Aningaaseriviup pisortaa ilorrisimaartoq
Saffiugassanik qaqutigoortunik piianissamut qinnuteqaatit pingajussaat maanna tunniunneqarpoq, qinnuteqaateqarnerli piiaaffiup piviusungornissaanut allaavoq.
- Akuersissut suli tunniunneqarnikuunngilaq, tunniunneqarumaartorli qularinngilara, aningaasaliisussanilli pissarsisoqassanersoq, piiaaffillu ammarneqassanersoq, takoqqaassavarput. Taamaalippat aatsaat oqartoqarsinnaavoq iluatsittoqartoq, Martin Kviesgaard oqarpoq.
Aningaasaliisussarsiornissarlu ajornakusoorsinnaavoq, aningaasaliiniartummi mianersornerulernikuupput:
- Nunani allani qanoq pisoqarsimanersoq qimerluualaaraanni takuneqarsinnaavoq Kalaallit Nunaat mianersortariaqartoq. Aningaasaleerusussinnaasunik nassaarnissaq ajornakusoorsinnaavoq, soorlu aamma Kalaallit Nunaanni pilersaarutinut taamaassagunartoq, Martin Kviesgaard oqarpoq.
Naalli aningaasaleerusussinnaasut mianersoraluartut Tanbreezip neriuutigaa Killavaat Alannguanni aappaagu piiaaffeqalersinnaallutik.
- Kalaallit Nunaanni piiaaffeqalersoq nunarsuarmiut takusinnaappassuk isumallUarnarsinnaavoq, isumalluarnarnerulissaarli aamma takusinnaappassuk imminut akilersinnaasoq, Grønlandsbankenip pisortaa, Martin Kviesgaard, oqarpoq.
