Aningaaserivinni sulisut aningaasarsiaat isumaqatiginninniutaasut

Nunatsinni aningaaserivinni sulisut aningaasarsiaasa isumaqatiginninniutigineri aallarteqqipput. Taamaalilluni suliumajunnaarnissaq ungasiluallappoq.

Aningaaserivinni sulisut aningaasarsiaasa isumaqatiginniutiginerini sapaatip-akunnerani kingullermi isumaqatiginninniarnerit isasooreersullu Kalaallit Nunaanni Sulisitsisut Peqatigiiffiat, GA, ullumi nutaamik neqerooruteqarput.

Aningaaseriviit Kattuffiata neqeroorut nutaaq ajorinngilaa.

- Neqeroorut nutaaq ilorraap tungaanut saatitsisussaq nassiunneqarsimammat nuannarutigaarput. Aningaasarsiat tungaasigut pitsaanerusumik neqerooruteqarput, tusagassiisartoq Mogens Tang taama oqarpoq nangillunilu:

- Isumaqatiginninniarnerit aallarteqqippagut. Naak suli angorusutarput angunngikkaluarlugu isumaqatiginninniaqataarusuppugut. Kalaallit Nunaanni Sulisitsisut Peqatigiiffiannut siunnersuummik nassiussereerpugut ullunilu qaninnerni oqaloqatigiinnissarput ilimagaara, Mogens Tang oqarpoq.

Sulimajunnaarnissaq suli atuukkallassaaq isumaqatiginninniarnerni angusaqanngikkutta aningaaserivinni sulisut apriilip aappaani suliumajunnaassapput.

Aningaaseriviit Kattuffiata nalunaaruteqarnissaa utaqqigitik Kalaallit Nunaanni Sulisitsisut Peqatigiiffiata pisortaata oqaatigaa nutaamillu neqerooruteqarnermik kingorna isumaqatiginninniarnerit nangeqqissinnaanissaat neriuutigalugu.