Aningaaseriviliorniarneq Sulisitsisunit tapersersorneqanngilaq

Allattoq Jaaku Lyberth
oktobarip 10-at 2007 09:56

Siumup inatsisartuni ilaasortaatitaasa kalaallit nammineq pigisaminnik aningaaseriveqalernissaat siunnersuutigaat, tamatumunngali Kalaallit Nunaanni Sulisitsissut Peqatigiiffiat isumaqataanngilaq, nunat allamiut aningaaserivinnut ileqqaarutimminnik annissisinnaanerat tupinnartuliaanngimmat, Sulisitsisut Peqatigiiffianni ataqatigiissarisoq Jens K. Lyberth oqarpoq.

Tupinnartoqanngilaq avataaninngaaniit soorlu aatsitassarsiornermi ileqqaaruteqartut ileqqaarutitik annikusuttaraat, taamatullu ileqqaarutit erniaannik annissiniartut tupinnartutut isiginngilagit Isigimiartariaqagarput tassaavoq, ileqqaarutit nunatsinnut sunniuteqartorujussuusinnaanerat akissarsiatigut kiffartuussinikkut allatigullu kaaviiaartitsinerit pilertarama, Jens K Lyberth oqarpoq.

Siumut inatsisartuni ilaasortaatitaasa siunnersuuteqarnerminni qanoq iliortoqarniarnersoq ersernerlummat oqaatigiuminaatsorujussuuvoq sunalu tunngavigineqarnersoq, Jens K Lyberth oqarpoq.

”Avataaniit ileqqaariniartunut qammaaniarutta taava aamma akuerisariaqarpoq ileqqaarutit erniaasa ilaat anninneqarsinnaanerat”!

Jens K. Lyberth oqarpoq.

Kalalalit namminneq pigisaminnik aningaaseriveqalernissamik Siumut inatsisartuni ilaasortaatitaasa siunnersuutaat ullumi inatsisartuni oqaluuserineqassaaq.