Aningaasat ukiortaamit atulernavianngillat
Hans Enoksen maajip qaamataanni tulluuteqaluni oqarpoq, januaarip aallaqqaataat 2008 aallarnerfigalugu, nunatsinni nammineq aningaasaqalissasugut. Tulluunerli tamaanga killeqarallarpoq.
Allattoq Jokum Nielsen
Nationalbank Namminersornerullutik Oqartussanut nalunaarpoq januaarip aallaqqaataat aallarnerfigalugu kalaallit aningaasassaat atulersinnaanngitsut.
Nationalbankimiillu oqaatigineqarpoq Kalaallit namminneq aningaasartaarsinnaanissaat 2009-mi aatsaat pisinnaasasoq.
Kalaallit siunissami aningaasassaasa pappiliartassaat Naja Abelsenimit assilialersorneqassasut radioaviisimi siornatigut eqqartorneqareerpoq.