Aningaasat pisissutaasinnaanerat nalikilliallappoq
Tassami isertitat pisiassat akiisa qaffakkiartornerannut malinnaasinnaanngimmata, aningaasap pisissutigineqarsinnaanera ajorseriarpoq. 2007-imut Naatsorsueqqissaartarfiup isertitanut takussutissiaasa tamanna ersersippaat.
Isertitat 2,6 procentinik qaffariarnerat pisiassat akiisa qaffariarrnerannit 5,4 procentiusumit qaangerneqarpoq. Taamaalilluni isertitat nalingisa appariarnerat 2,6 procentiuvoq. Tamanna isertitat 2002-miilli aatsaat appariartiginerannik kinguneqartoq naatsorsueqqissartarfimmit oqaatigineqarpoq.
Isertitat Nunatsinni sumiinneq apeqqutaatillugu allanngorarput. Isertitatigut qaffariarfiunerpaasut tassaapput Qeqqata Kommunia 3,1 procentimik qaffariarfiusoq aamma Kommune Kujalleq 3 procentimik qaffariarfiusoq. Isertitatigut minnerpaamik qaffariarfiuvoq Qaasuitsup Kommunia 1,5 procentimik qaffariarfiusoq. Aammali Qaasuitsup Kommuniani isertitat allannguutaat assigiinngeqaat.
