Aningaasat nunatsinnut tapiissutissat akuersissutigineqarput
Kalaallit namminneq aningaasat sumut atussanerlugit aalangiinissaat danskit naalakkersuisuisa pingaartippaat, taama oqarpoq Aningaasaqarneq pillugu ministeri, Thor Pedersen. Nunatsinnut ukiuni tulliuttuni tapiissutissat, ukiumut 3,2 milliardi koruuniusartussat, Folketingimi ullumi akuersissutigineqarput.
Aningaasaqarneq pillugu ministeri Thor Pedersen ima oqarpoq:
Namminersorneq pillugu ataatsimiititaliarsuup suliani naammassileraluaraa Kalaallit Nunaata aningaasaqarnera ajunngitsumik inissisimalerpoq. Taama oqarnerminut ilaatigut tunngavigaa Namminersornerullutik Oqartussat Danmarkimilu naalakkersuisut akornanni aningaasaqarnikkut decembarimi isumaqatigiissutigineqartoq. Isumaqatigiissut malillugu ilinniartitaanerup aamma inuussutissarsiornerup siuarsarneqarnissaanut aningaasat 50 millioni koruunit aalajangersimasumik ukiumut atorneqartassapput.
- Aningaasaqarnermut naalakkersuisuusimasorlu, Josef Motzfeldt, isumaqatigiissusiorsinnaasimanerput nuannaarutigeqaara, Thor Pedersen oqarpoq.
- Aningaasat ataatsimoorussatut tapiissutit qanoq atornissaat kalaallit namminneq aalajangissavaat. Nammineq aalajangiisinnaanermut illersuisuuvugut ataqqinnillutalu, upperaarpullu aningaasat iluaqutissaannut atorluarneqassasut, isumaginninnermut aalajangersimasumik aningaasartaliinissamik Dansk Folkepariip isumaanut illuatungiliinermini Thor Pedersen oqarpoq.
