Aningaasat matussusiissutissat ujartorpaat
Aningaasat pisissutigineqarsinnaasut amerlineqarnissaat Sulinermik Inuussutissarsiuteqartut Kattuffiata ilungersuutigeqqinniarpaa. Jess G. Berthelsen taama oqarpoq.
Allattoq Mads Lynge
januaarip 03-at 2008 15:18
Qanoq iliornikkut tamanna anguniarneqarsinnaanersoq SIK-p siulittaasua aperigatsinni ima akivoq:
- Periarfissat arlaliupput. Inissianut akiliutigineqartartut ilaatigut qaffaavigineqarnikuupput, nioqqutissallu ilaasa akii qaffaavigineqarlutik. Taamaattumik tulliani isumaqatiginnialerutta aningaasarsiat pisissutigineqarsinnaasut milleriaataat matussuserneqarnissaat minnerpaamik piumasaqaateqarniarpugut, pisissutigineqarsinnaasullu qaavatigut aamma aaqqiisoqarnissaa piumasaqaatiginiarlutigu, SIK-p siulittaasua Jess G. Berthelsen oqarpoq.
