Aningaasat katillugit 158 millioni koruunit utertoorutaapput

Aningaasat katillugit 158 millioni koruunit utertoorutaapput, taakkunanngalu 43 millioni koruunit akiligassallit pissaraluinit ilanngaatigineqarput.

43 millioni koruunit pisortanut akiitsuupput, akileraarutinut, INI-mut, kommuninut, Nukissiorfinnut allanulluunniit akiitsut.

-Akileraarusileriffiit kommuniniikkunnaarlutik aqutsisoqarfimmut apriilimi nuummatali aatsaavissuaq ukiumoortumik naaatsorsuusiornertik assut iluatsilluartoq, Akileraartarnermut Aqutsisoqarfimmi akileraaruseriffimmi pisortaq Claus Stensgaard Jensen ilisimatitsivoq.

Utertoorutit taamaalillutik akiitsunut ilanngaatit peereerlugit 115 millioni koruunit ulluni makkunani inuiaqatigiinni kaaviiaartinneqaleruttorput.

-Kisianni kukkusaqalaarsimalluta paasivarput, akilereersimasat ilanngaatigisoorsimagatsigit. Taakkuli iluarsiortorpagut. Aappaagu ulloq tunniussiffissaq tikilluinnarpagu akiitsut aatsaat ilanngaatigiumaarpavut, Claus Stensgaard Jensen oqarpoq.

Utertoortuinnaanngillalli, tassami innuttaasut 2007-imi akileraarnikippallaarsimasut 80 millioni koruuninik aamma akiligassinneqarput.