Aningaasat imullugit ikiaroornermi atorneqartarput

Irlandimiut ilisimatuuisa aningaasat inuit akornganniit nalaatsortumik takkuttut ikiaroornartumik kokainimik akoqarsoralugit misissuiffigigamikkit nuannerpallaanngitsumik paasisaqarsimapput. Aningaasat pappiaqqat 45-t misissuiffigeqqissaarsimavaat taakkulu tamarmik kokainitaqalaarrassimapput, tamannalu ilisimatuunit tupaallaatigineqarsimavoq.

- Aningaasat pappiaqqat atorlugit Irlandimi ikiaroortoqartarnera aatsaat taamatut misissuiffigineqarpoq, ilisimatusaqataasoq oqarsimavoq.

Aningaasani euroni 20 euromi 50 euromilu kokaineqarnerpaasimavoq.

Taamaattumillu misissuineq ernumanartuutinneqarpoq.

Aningaasat inuit akornanniit nalaatsortumik takkuttut kokoinimik akoqartarnerat Irlandimi inuiaqatigiit akornganni kokainip atugaanerujussuanik ersersitsisuusoq misissuisup oqaatigaa.

Aningaasat ikiaroortartunit atorneqarajuttarput. Aningaasaq pappiaraq imoriarlugu kokaini iluanut ikillugu qinngamikkut naamaarutigisarpaat.

Aammattaaq amerikami aningaasat taamatut atorneqartarnerat misissuiffigineqarmat paasineqarpoq inuit pingasuugaangata marluk aningaasat pappiaqqat kokainituutitut atortarsimagaat.