Aningaasat assiliartassai kia titartassavai

Kalaallit Nunaanni aningaasat pappiaqqat assiliartassaat kia titartassanerai suli paasinarsinngilaq. Aningaasat pappiarat ilusissaannik siunnersuisoqatigiit ippassaq marlunngorneq juunip 20-ani naapeqqikkamik eqqartorpaat, sorpiaat assitaliunneqassanersut.

- Eqqumiitsuliortut kikkuussanersut suli oqarsinnaanngikkallarpugut, siunnersuisoqatigiit siulittaasuat, Kaj Kleist oqarpoq.

- Nunatsinni uumasut, qaqqarsuit aamma oqaluttuatoqqat aallaaviussapput. Assersuutigalugu Nuup Kangerluani Pisissarfimmi qallunaatsiaat kalaallillu naapinnerannik oqaluttuaq ilisarnaataassaaq. Siunnersuusiassatut taakkartukkavut naalakkersuisunut isummerfigisassanngorlugit ingerlateqqissavavut, siunnersuisoqatigiit siulittaasuat Kaj Kleist oqarpoq. Qaammatip ataatsip matuma siornagut naalagaaffiup aningaaserivissuanit Nationalbankenimit tikeraartoqarpoq aningaasat pappiarat Norge, Frankrig aamma EU-meersut takutitassiatut nassarlugit.Kalaallit Nunaata aningaasai pappiaqqat ukiortaaq 2008-mi saqqummissappata, Inatsisartut Folketingilu akuerseqqaarsimassapput.